يادنيا ليه............ بتفرقينا
بعد ماكنت ......... مجمعانا
ياناس لا قسينا ... ولا نسينا
حبيب ............ هنانا وبكانا
انا مش باعتب عليك . يازمان
اصلى الفرحه ...... واحشانا
لحظة صفا .... فى ساعة لقا
فيها قلوبنا ........... فرحانه
كل شيئ راح منا ..... وانتها
شتا بملايته ............ غطانا
والشموع نورها انخنق وانطفى
عيونا بالدموع ......... مليانه
على حبيب لو كان . يوم يغيب
الفرحه بتموت ......... جوانا
أصبح كأيب فى .. عالم غريب
يافرحه ليه ............ نسيانا
ماكفايه انه كان ........ جارى
ولا كان بيا ف يوم ..... دارى
وعيونى عليه ........ سهرانه
ياما كتير بتقيد .......... نارى
وأنا عنه كنت ........... أدارى
ولا قلت ف يوم ........ آه يانا
عيان انا والمرض ......... نادر
ومافيش دكتور ...... كان قادر
على إيده يتم ........... شفانا
طول عمرى جريح ....... بتألم
ولا عمرى ف يوم ..... هاتكلم
وأقول حسى ....... يا إنسانه
باللى قضى ....... طول عمره
مكسور مغلوب .... على أمره
يادنيا لفين ............ واخدانا
آه
لسه ياقلبى ............. بتفكر
فى عيون جارحه ..... ونعسانه
خلاص .... ماتقولشى كنا وكان
قول يارب تكون ........ فرحان
وف يوم فرحها ....... بارك لها
حتى لو روحى ....... عطشانه
................................
قصيدة يادنيا ليه
ديوان ورد الشفايف
.. سلسلة رومانسيات
......... محمود شعيشع
هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص
ليست هناك تعليقات:
إرسال تعليق